Presidenti amerikan Joe Biden tha gjatë një bisede telefonike të dielën, me kryeministrin izraelit Benjamin Netanyahu, se Shtetet e Bashkuara nuk do të mbështesin asnjë kundërsulm izraelit kundër Iranit.
Përveç kësaj, Biden i tha Netanyahut se veprimet e përbashkëta mbrojtëse nga Izraeli, SHBA dhe vende të tjera në rajon çuan në zmbrapsjen e një sulmi iranian, sipas një zyrtari të Shtëpisë së Bardhë.
“Ju keni fituar. Jini të kënaqur,” i tha presidenti amerikan Netanyahut.
Pra, për momentin ku është qëndrimi amerikan mbi sulmin Iranian ndaj Izraelit.
Më herët, kryediplomati amerikan Antony Blinken tha: “Ne nuk duam përshkallëzim, por vazhdojmë të mbështesim Izraelin”.
Blinken shtoi gjithashtu se SHBA-ja “nuk po kërkon përshkallëzim”, por “do të vazhdojë të mbështesë” mbrojtjen e Izraelit dhe të mbrojë personelin amerikan.
“Do të konsultohem me aleatët dhe partnerët në rajon dhe në mbarë botën në orët dhe ditët e ardhshme”, tha ai. /tesheshi.com/
