Rodrigo Duterte, njeriu që mban mbi shpinë xanxën “Hitler”, kjo për shkak të mizorive të tij kundër përdoruesve dhe trafikantëve të drogës, si dhe zyrtarëve të korruptuar, mbërriti në vendin ku Hitleri është i mallkuar, në Izrael.
Presidenti Filipinas nisi një vizitë historike në shtetin hebre, duke reflektuar dëshirën e tij për të reduktuar varësinë ushtarake ndaj aleatit tradicional amerikan, raporton AFP.
Një vizitë 4-ditore është ardhja e parë në Izrael e një presidenti filipinas, pas vendosjes së marrëdhënieve diplomatike midis dy vendeve 60 vjet më parë.
Në të kaluarën, Manila ka pranuar një numër të madh hebrenjsh që iknin nga Holokausti, kujton agjensia franceze.
Izraeli do ta ndjekë nga afër vizitën e Dutertes, mu për shkak të famës që gëzon lideri populist filipinas, i krahasuar me Adolf Hitlerin.
Ministria e Jashtme izraelite thotë se vizita është e rëndësishme për ta, sepse simbolizon marrëdhëniet e forta dhe të ngushta mes dy popujve. /tesheshi.com/
