Izraeli ka goditur rreth 50 objektiva në Siri në vitin 2020, sipas një raporti ushtarak izraelit të lëshuar të enjten, që rrallë komenton mbi informacionin në lidhje me operacionet e tij në rajon.
Në atë raport, ushtria, pa detaje, thotë se “rreth 50 shënjestra u goditën në frontin sirian”, raporton AFP.
Izraeli ka kryer qindra sulme në Siri që nga fillimi i luftës në 2011 dhe ka synuar trupat qeveritare, aleatët iranianë dhe luftëtarët e lëvizjes shiite libaneze Hezbollah.
Izraeli percepton negativisht praninë e forcave iraniane në afërsi të tij, pasi Irani konsiderohet si armiku i tij më i madh.
Një zëdhënëse ushtarake izraelite tha se të dhënat në raport mbulojnë periudhën deri në 20 dhjetor.
Dokumenti gjithashtu thekson që aeroplanët izraelitë kryen 1,400 “fluturime operacionale” në vitin 2020.
Sa për Rripin e Gazës, 176 raketa u qëlluan nga një enklavë palestineze e kontrolluar nga Hamas drejt territorit izraelit, nga të cilat 80 shënjestruan sistemin e mbrojtjes anti-raketore dhe 90 ranë, sipas ushtrisë izraelite.
Hamasi dhe Izraeli kanë zhvilluar tre luftëra që nga viti 2008. /tesheshi.com/
