Izraeli është duke ushtruar presion për të minuar votimin e një projekt-rezolute të përbashkët jordaniane-palestineze nga ana e UNESCO-s, e cila mohon çfarëdo lidhje të hebrenjve me xhaminë al-Aksa, njofton agjencia e lajmeve Ynet News.
Sipas faqes së internetit, UNESCO pritet të votojë për rezolutën gjatë një takimi i cili pritet të mbahet me rastin e 40-vjetorit të Komitetit të Trashgimisë Botërore, i cili është i përbërë nga 21 përfaqësues.
Projekt-rezoluta mohon lidhjen e hebrenjve me të gjitha objektet në kompleksin shenjtë të xhamisë së Al Aksa, përfshirë këtu edhe Murin Perëndimor.
Rezoluta i bën thirrje Izraelit të kthejë statusin e xhamisë Al Aksa në atë të periudhës para vitit 1967.
Ajo (rezoluta) po ashtu akuzon Izraelin për dëmet e shkaktuar ndaj vendeve të shenjta islame.
Ynet News thotë se Izraeli po kërkon të ushtrojë presion të madh në shtetet anëtare në një përpjekje për të parandaluar një përsëritje të asaj të ka ndodhur në muajin prill, kur komiteti ka dënuar agresionin izraelit në xhaminë Al Aksa dhe ka shpërfillur të gjitha pretendimet e hebrenjve dhe të Izraelit mbi atë zonë.
Ajo po ashtu vë në dukje se një përpjekje e ngjashme ka dështuar kur është sjellë para organizatës, në tetor të vitit 2015. /tesheshi.com/
