Nga qeveria shqiptare është riartikluar teza më kriminale që njeh historia- e drejta e Izraelit për t’u mbrojtur(!).
Ishte ministri i Jashtëm Igli Hasani, një zyrtar i lindur për gjuhë të drunjtë, i cili e deklaroi tezë, tashmë në nivel neverie prej dekadash, në nisje të Ministerialit të Procesit të Bashkëpunimit në Europën Juglindore – SEECP, i cili po mbahet në Tiranë.
“Ne jemi thellësisht të shqetësuar nga tensionet e përshkallëzuara në Lindjen e Mesme, sidomos përballjet e fundit mes Izraelit dhe Iranit që paraqesin një rrezik serioz për stabilitetin më të gjerë rajonal me pasoja globale. Shqipëria rikonfirmon të drejtën e Izraelit për të ruajtur sigurinë e vet dhe për të mbrojtur qytetarët e vet nga kërcënimet e mirëfillta”, tha Hasani.
Po pse është kriminale kjo tezë, sigurisht e diktuar nga shteti hebre në fjalorin politik qysh prej krijimit gjaksor të tij në tokë palestineze? Mu për këtë shkak, pasi është një shtet pushtues, si i tillë kriminal, e provuar kjo në dekada, që nga viti 1948, duke e kryer masakra mbi popullsinë palestineze, me vrasje, rrëmbim prone e zhvendosje me forcë. Po ashtu, qyshse ëshë krijuar ai shtet në Lindjen e Mesme rajoni nuk gjen dot paqe prej zullumit të tyre në shumë forma. /tesheshi.com/
