Në Damask u dëgjuan shpërthime në orët e para të së premtes, dhe banorët në rrethinën jugperëndimore të kryeqytetit sirian panë të ngrihej tym nga një bazë ajrore e goditur nga raketat izraelite.
Siria e ka akuzuar Izraelin për hedhje raketash pranë një aeroporti të madh ushtarak në perëndim të Damaskut. Sipas qeverisë siriane, kjo ishte hera e tretë që Izraeli godiste së fundi. Njoftimi i përcjellë nga agjencia e lajmeve SANA nuk flet megjithatë për viktima.
Aeroporti në shenjë, e që ndodhet vetëm pak kilometra larg pallatit presidencial të Beshar Esadit, ka qenë një bazë e përdorur për goditjen me raketa të zonave në rrethinat e Damaskut të kontrolluara një kohë nga kryengritësit.
Siria e ka paralajmëruar Izraelin për pasoja mbas hedhjes së raketave. “Komanda e ushtrisë siriane dhe forcat e armatosura e paralajmërojnë Izraelin për reperkusionet e sulmit flagrant…,” thuhej në deklaratën përkatëse.
Nga ushtria izraelite nuk ka patur komente për incidentin e fundit. /tesheshi.com/
