Grupi i armatosur palestinez “Xhihadi Islamik” ka humbur komandantin kryesor pas një sulmi izraelit në shtëpinë e tij në Rripin e Gazës.
Vdekja e Bahaa Abu al-Atta, 42 vjeç, u konfirmuar nga Izraeli. Grupi i armatosur pohon se në mesin e të vrarëve është edhe gruaja e al-Atta, ndërsa edhe dy të tjerë kanë mbetur të lënduar nga goditja me raketa.
Ndërkohë, Hamas, grupi palestinez që administron Rripin e Gazës, tha se Izraeli “mban përgjegjësi të plotë për të gjitha pasojat e këtij përshkallëzimi” dhe premtoi se vdekja e al-Atta “nuk do të kalojë e pandëshkuar”.
Menjëherë pas sulmit, një numër i madh raketash u hodhën në Izrael ndërsa sirenat e sulmeve ajrore u dëgjuan në pjesët dërmuese të vendit.
Nuk ka raporte të menjëhershme për viktima ose dëme, por policia izraelite mbylli disa rrugë. Ushtria izraelite tha që Kryeministri Benjamin Netanyahu kishte autorizuar operacionin kundër al-Atta, duke e fajësuar atë për sulmet e fundit me raketa kundër Izraelit, si dhe përpjekjet për infiltrime në vend. /tesheshi.com/
