Policia izraelite u përlesh me protestues ultraortodoksë të mbledhur në Bnei Brak pranë Tel Avivit, të cilët reaguan ndaj arrestimit të një të riu që refuzoi të shërbejë në ushtrinë izraelite.
Ata u mblodhën dhe duke u ulur në rrugë në një moment bllokuan trafikun në një nga rrugët kryesore në atë zonë.
Protestuesit lëshuan slogane kundër shërbimit ushtarak gjatë protestës dhe policia ndërhyri me forcë duke u përpjekur të shpërndante turmat.
Thuhet se, pas ndërhyrjes së policisë, pati më shumë lëndime.
Policia tha se 13 protestues u arrestuan për rrezikimin e rendit shoqëror dhe bllokimin e rrugëve. /tesheshi.com/
