Kryeministri izraelit Yair Lapid ka pranuar humbjen ndaj ish-kryeministrit Benjamin Netanyahu në zgjedhjet e kësaj jave, tha zyra e tij të enjten.
Në deklaratë thuhet se Lapid ka uruar Netanyahun për fitoren e tij dhe ka udhëzuar zyrën e tij që të përgatisë një transferim të organizuar të pushtetit.
“Shteti i Izraelit është para çdo konsiderate politike… I uroj Netanyahut sukses, për hir të popullit të Izraelit dhe shtetit të Izraelit,” tha Lapid.
Rikthimi i Benjamin Netanyahut
Lapid, i cili ka shërbyer si kryeministër i përkohshëm për katër muajt e fundit, e bëri njoftimin ndërsa zyrtarët zgjedhorë izraelitë numëronin votat përfundimtare nga zgjedhjet parlamentare të së martës.
Rezultatet tregojnë se Netanyahu fitoi një shumicë parlamentare falë mbështetjes së aleatëve të tij të ekstremit të djathtë.
Netanyahu dhe aleatët e tij, partitë e ultra-nacionalistëve dhe hebrenjve ultra-ortodoksë, presin të kenë 65 vende, nga gjithsej 120 në parlamentin e Izraelit, Knesset.
Rezultatet përfundimtare pritet të shpallen më vonë të enjten. /tesheshi.com/
