Dhjetëra mijëra izraelitë demonstruan të shtunën në Tel Aviv dhe qytete të tjera anembanë vendit, për të gjashtën javë radhazi, kundër reformës së sistemit gjyqësor të promovuar nga qeveria e kryeministrit Benjamin Netanyahu.
“Demokraci”, thërrisnin demonstruesit nën zhurmën e daulleve, “Turp, turp!”, “Nuk do të dorëzohemi”. Turma mbante flamuj izraelitë, LGBTI+ me ylber, madje dhe flamuj palestinezë.
Një lexim i parë i disa prej dispozitave të diskutueshme të reformës, e cila synon të rrisë fuqinë e zyrtarëve të zgjedhur mbi gjyqtarët, është planifikuar për të hënën në Knesset, parlamenti i Izraelit.
Drejtuesit e mobilizimeve bënë thirrje për grevë në të njëjtën ditë.
“No one is above the law”, Tel Aviv protest against the government, 6th week in a row pic.twitter.com/kg8w957t0A
— Noa Landau נעה לנדאו (@noa_landau) February 11, 2023
Duke kundërshtuar parashikimet se greva do të largonte disa nga protestuesit nga tubimet e vendosura të së shtunës mbrëma, izraelitët demonstruan në numër më të madh se në javët e mëparshme, sipas një reporteri të AFP.
Mediat izraelite raportuan rreth 50,000 protestues në Tel Aviv, deri në 75,000 sipas gazetës Haaretz, rreth 10,000 në Haifa dhe 4,000 në Jerusalem, përpara rezidencës së Netanyahut.
Një minutë heshtje u mbajt në Tel Aviv për viktimat e sulmit të së premtes në Jerusalemin Lindor, në të cilin u vranë tre izraelitë, duke përfshirë dy fëmijë.
“Gjyqi i Netanyahut është arsyeja për gjithçka. Ai po përpiqet në çdo mënyrë të dobësojë gjyqësorin për t’i shpëtuar gjyqit të tij”, tha Neta Keren-Tal, një grua që punon në fushën e mjekësisë, duke iu referuar gjyqit të kryeministrit për korrupsion të vazhdueshëm.
Për Ilan Chabarin, drejtor i një kompanie produktesh të teknologjisë së lartë, “duhet gjetur një ekuilibër midis ekstremit të majtë dhe ekstremit të djathtë për të krijuar një demokraci të vërtetë në Izrael”.
Për herë të parë që nga fillimi i protestave në janar, dhjetëra protestues u mblodhën në vendbanimin izraelit Efrat, në Bregun Perëndimor të pushtuar.
For the 6th week in a row, mass protests against Netanyahu's plan to weaken the judicial system. According to assessments, more than 100K people are demonstrating tonight across Israel – in Tel Aviv (here in the drone footage👇), Jerusalem, Haifa & a dozen other major cities pic.twitter.com/vFrWhd4jQz
— Barak Ravid (@BarakRavid) February 11, 2023
Qeveria e formuar në fund të dhjetorit nga Netanyahu konsiderohet si një nga më të djathtat në historinë e Izraelit.
Propozimet e koalicionit thuhet se kufizojnë ndjeshëm aftësinë e Gjykatës së Lartë për të rrëzuar ligjet dhe vendimet e qeverisë. Një “klauzolë derogimi” do t’i lejonte Knesset-it të rikrijonte ligjet e shfuqizuara me një shumicë të thjeshtë prej 61 votash.
Reforma parashikon edhe ndryshimin e sistemit të emërimit të gjyqtarëve duke i dhënë më shumë peshë pushtetit politik.
Netanyahu është në gjyq për korrupsion në disa raste. Në Izrael, kryeministri nuk gëzon imunitet gjyqësor, por nuk duhet të japë dorëheqjen ose të tërhiqet gjatë gjykimit të tij. /tesheshi.com/
