Izetbegoviç, shuplakë Beogradit: Vizita ime në Sanxhak, si ajo e Nikoliqit në Republika Srbska

Bekir Izetbegoviç, në gjurmët e të atit: presidentit legjendar të Bosnjës, të ndjerit Alija Izetbegoviç.

Kreu i Presidencës së Bosnjë Hercegovinës dhe lideri i Partisë së Aksionit Demokratik, është pritur si hero në Novi Pazar të Sanxhakut, rajon me shumicë të popullsisë myslimane në Serbi.

Izetbegocviç është provokuar ashpër nga zyrtarët e Beogradit, duke e akuzuar për “incident diplomatik”, pasi nuk kishte lajmëruar për vizitën e tij në Novi Pazar.

Por Bekiri ka folur shkurt dhe prerë: “Duhet të vija më herët, vizita ime këtu e ngjashme me atë që bëjnë liderët e Beogradit në Republika Srbska”.

“Kam qenë disa herë në Beograd, por për herë të parë po vij në Novi Pazar në 26 vjet. Nuk kam bërë asgjë jashtë rregullave, pasi ka ndodhur që presidenti i Serbisë, Tomislav Nikoliq dhe kryeministri Aleksandër Vuçiq kanë vizituar në mënyrë frekuente Banja Lukën dhe Trebinjën dhe ne nuk e kemi konsideruar se është shmangur Sarajeva. Kjo është e njëjta gjë”, tha Izetbegoviç duke folur për mediat serbe.

Izetbegovic mori pjesë në një tubim të madh të partive që grumbullojnë myslimanët bosnjakë nga e gjithë hapësira e ish-Jugosllavisë: Sanxhaku, Kosova, Mali i Zi, Maqedonia dhe Kroacia.

“Boshnjakët në këtë çerek shekulli patën rolin e tyre të rëndësishëm në histori. Ne mbrojtëm të drejtën tonë të ekzistencës, mbrojtëm gjuhën, rikthyem identitetin e nëpërkëmbur dhe pas 450 vjetëve ngritëm shtetin dhe ushtrinë tonë. Por ka ende sumë për të bërë, në mënyrë që të justifikojmë arsyen pse u themelua Partia e Aksionit Demokratik në hapësirën e ish-Jugosllavisë”, tha Izetbegoviç.

Ai shtoi se “PAD ndikoi që boshnjakët të bëhen një faktor politik, pa të cilin nuk mund të bëheshin asnjë lloj kalkulimi për të ardhmen e Ballkanit”.

Dhe realisht ka të drejtë, populli heroik i Bosnjës e pagoi me jetë njerëzish të humbura, por rezistoi me vetmohim duke mos lënë atë që kishin përgatitur disa fuqi të mëdha, t’i shuanin nga faqja e dheut të gjithë boshnjakët e besimit mysliman.

Por falë edhe një politikani model dhe vizionar si Alija Izetbegoviç por edhe shumë të tjerë, e ardhmja e Ballkanit foli kundër serbëve.

Dhe ishte pikërisht qëndresa heroike e boshnjakëve që paratha çlirimin e Kosovës.

Gjithashtu, presidenti i radhës i Bosnjës, që inaguroi turnin e tij në insitucionin kolegjial në Novi Pazar, ka marrë pjesë në ceremoninë e

Këshillit Bosnjak të Serbisë që u drejtua nga kryebashkiaku i Novi Pazarit, Nihat Bisevac, ku dhe morën pjesë krerët e bashkive të Sjenicës Hazbo Mujoviç dhe të Tutinit Shemshudin Kuçeviç. Ishte preent gjithashtu edhe deputeti i vetëm bosnjak në Parlamentin e Serbisë, Muamer Zukorliç.

Në vizitën e tij në Sanxhak, Izetbegoviç u shoqërua edhe nga kreu i Këshillit të Ministrave të Bosnjë-Hercegovinës, Denis Zvizdiç. /tesheshi.com/