Oliver Ivanoviç, lideri i partisë SDP, ka fituar dhe lirinë pasi muaj më parë kaloi në arrest shtëpiak.
Tashmë ai është i lirë të dalë dhe nga shtëpia, ndërsa gjykimi ndaj tij për krime lufte do vijojë në kushte lirie, i detyruar të raportojë dy herë në javë pranë stacionit të policisë në pjesën veriore të Mitrovicës.
Politikani serb tha se ky është hapi i parë për zgjidhjen përfundimtare të çështjes dhe shtoi se do të vazhdojë të luftojë për të pastruar emrin nga akuzat.
Ivanoviç akuzohet për krime lufte kundër civilëve në Kosovë, krime këto të kryera më 14 prill të vitit 1999 në jug të Mitrovicës. Ai u arrestua më 27 janar 2014, dhe më pas vijoi procesi ku janë thirrur 80 dëshmitarë të prokurorisë dhe palës mbrojtëse. /tesheshi.com/
