Presidenti Ivanov nuk lëshon pe duke mos i hapur rrugë formimit të qeverisë së re në vend, gjithnjë më pretendimin e kërcënimit që i vjen Maqedonisë nga Platforma e Tiranës.
Kabineti i tij ka konfirmuar letrën që i ka ardhur kreut të shtetit nga kryetari i Kuvendit, Talat Xhaferi, për dhënien e mandatit Zoran Zaevit që të formojë qeverinë, por përgjigja nuk ka qenë ajo që është shpresuar. Përkundrazi, ka qenë e njëjta “muzikë e luajtur” si gjatë këtyre muajve të fundit e cila çuar vendin një një krizë të pashembullt.
“Presidenti Ivanov ngelet në qëndrimin se e ashtuquajtura Platforma e Tiranës, por edhe çfarëdo dokumenti tjetër, akt ose veprim kundër Kushtetutës së Republikës së Maqedonisë, nuk mundet që të jetë kusht, por as bazë për formimin dhe veprimtarinë e qeverisë së Maqedonisë. Presidenti i Maqedonisë, në lidhje me ndarjen e mandatit, do të veprojë në pajtueshmëri me Kushtetutën dhe deri me praktikën e vendosur deri më tani”, thuhet nga kabineti i Ivanovit.
Garanci për dhënien e mandatit, siç është thënë në reagimin e Presidencës, duhet të jetë unitariteti i shtetit; thënë ndryshe anullimi i dygjuhësisë; apo më troç akoma braktisja e shqipes.
Letrën e dytë në presidencë Xhaferi e nisi dje, pasi në numrin e ri të Gazetës Zyrtare u publikua vendimi për zgjedhjen e tij për kryetar Kuvendi. /tesheshi.com/
