Pas një përplasje të gjatë mes Shkupit dhe Sofjes, krerët e Maqedonisë po ndryshojnë mendje, duke parë vendin e tyre në gjendje të rëndë.
Bullgaria ka akuzuar Shkupin se ka aneksuar dhe po përdor simbolet e saj kombëtare. Kështu për shembull, Cirili dhe Metodi që shpikën gjuhën cirilike, Bullgaria i cëlëson si të tijtë, e në fakt kështu janë.
Kurse krerët e Shkupit kërkojnë një identitet maqedonas, e, duke qenë se dyshja në fjalë kanë jetuar si murgj në Ohër, janë përvetësuar në emër të një identitetit të cungët duke u konsideruar hiç më pak se maqedonas të kulluar.
E njëjtë është edhe me Goçe Dellçevin e të tjera emra.
Mirëpo presidenti i Maqedonisë, Gjeorgje Ivanon i ka kërkuar Sofjes që të pajtohen.
Në një intervistë për Agjencinë BGNES, Ivanov deklaroi se kërkon që Bullgaria ta mbështesë dhe më shumë vendin e tij dhe theksoi se mes dy shteteve nuk ka pengesë që mund ta ndryshonte historinë e gjeografinë e tyre dhe se përgjithmonë do të jenë fqinje.
I pyetur nëse ka rrezik që itinerari i refugjatëve të kalojë tashmë përmes Bullgarisë, Ivanov tha se pas rrugës lindore mesdhetare, e cila kalon përmes Maqedonisë, ka informacione dhe harta në gjuhën arabe që u janë marrë refugjatëve sirianë, ku Bullgaria është përmendur si një korridor përmes të cilit mund të kalohet tranzit për në Serbi dhe përmes Rumanisë dhe Hungarisë deri te Poloni. Presidenti Ivanov tha se personalisht i’a ka dorëzuar këto harta kryeministrit Bojko Borisov. /tesheshi.com/
