Dorëzohet presidenti maqedonas Ivanov, por jo 100 përqind. Së fundi ai ka marrë vendimin që të anullojë një pjesë të vendimit të tij për amnisti ndaj një sërë politikanësh dhe zyrtarësh të lartë vendas, por duke përfshirë vetëm ata që janë aktivë në detyra, gjegjësisht 22 persona dhe jo 56.
Ndërsa të gjithë të tjerët sipas Ivanovit, do të kenë mundësi që në bazë të ligjit për abolim, të dërgojnë kërkesa për shfuqizim të tij.
“Më 12 prill solla vendimin për abolim- lirim nga përndjekja pa procedurë për një numër të madh të personave, në përputhshmëri me Kushtetutën dhe Ligjin për falje. Vendim për të cilin, si atëherë si tani vlerësoj se e kam sjellë në interes të shtetit dhe qytetarëve të Maqedonisë. Shumica për fat të keq, nuk e kuptuan këtë ide, ose nuk dëshiruan ta kuptojnë. Debatet në opinionin e vendit dhe ndërkombëtar shkuan në drejtim tjetër. Isha i akuzuar se kam dashur t’i mbroj politikanët se ka krijuar drejtësi selektive, se politikanët janë mbi ligjet.
Ai tha se ka sjellë vendimin që të shfuqizojë një pjesë të vendimeve për falje, edhe pa kërkesë të politikanëve të falur. Sipas tij, gjithkush duhet të jetë i barabartë para ligjit dhe se asnjë politikan nuk është i paprekshëm.
“Në përputhshmëri me Ligjin për plotësim të Ligjit për falje, solla vendimi për shfuqizim të vendimit për falje- lirim nga përndjekja pa zbatimin e procedurës për të gjithë personat të eksponuar në politik, gjithsej 22. Të gjithë personat tjerë, në përputhshmëri me ndryshimet ligjore, kanë mundësi të dorëzojnë kërkesa personale për shfuqizim të vendimeve të tyre për falje. Nuk dëshiroj askush të ketë dyshim. Asnjë politikan nuk është mbi ligjin, dhe asnjëri nuk është jo i prekshëm. Përkundrazi çdokush do të përgjigjet për veprimet e tyre”, ka thënë mes të tjerash Ivanov.
Ky vendim vjen pas rritjes së presionit ndërkombëtar që shkoi deri në ultimatume të prera ndaj tij, për t’u tërhequr nga amnistia e cila për javë më radhë e ka trazuar keqazi politkën dhe opinionin maqedonas.
Me aktin e tij, Ivanov ia shkëpuste të drejtësisë të gjithë ata emra qeveritarësh të përfshirë në afera.
Tashmë pritet reagimi i ndërkombëtarëve nëse do jenë apo jo dakort me këtë akt të presidentit maqedonas. /tesheshi.com/
