Shkurt dhe qartë, “Pengesat për dhënien e mandatit ende nuk janë larguar” kështu i është përgjigjur thirrjeve të liderit të LSDM-së për t’ia dorëzuar mandatin, presidenti i shtetit në Maqedoni, Gjorgje Ivanov.
“Presidenti Ivanov mbetet në qëndrimin e dhënë në paraqitjen publike para qytetarëve të Maqedonisë” thuhet në reagimin e Kabinetit të Presidentit Ivanov.
Në paraqitjen e tij më 1 mars, presidenti Ivanov nga lideri i LSDM-së, Zoran Zaev ka kërkuar publikisht të refuzoj dhe të dënoj platformën e Tiranës, me të cilën sipas Ivanovit, vihen në pikëpyetje interesat themelore të Maqedonisë dhe shtetasit e saj.
“Përderisa unë jam President i Maqedonisë, nuk do të jap mandat as një njeri ose partive e cila bën përpjekje ose në programin e saj ka platformë për shkeljen e integritetit territorial të Maqedonisë. Sepse thellësisht vlerësoj se këto janë vlera thelbësore me të cilat askush nuk ka të drejtë të tregtoj. Dhe, nuk mendoj se do heq dorë”, pati deklaruar Ivanov më 1 mars.
Ndryshe, ditëve të fundit në opinion e më gjërë po qarkullojnë zëra që në rast se Ivanov refuzon t’ia japë mandatin Zaevit deri ditën e enjte, atëherë deputetët e LSDM-së së bashku me deputetët e partive shqiptare do ta votojnë qeverinë e re në Kuvend. /tesheshi.com/
