Pas paralajmërimit të kryeministrit të Maqedonisë, Zoran Zaev se nuk përjashtohet mundësia e ngritjes së “impiçmentit”(shkarkim) të presidentit të vendit, Gjorgje Ivanovm në rast se nuk e nënshkruan marrëveshjen për ndryshimin e emrit me Greqinë, i menjëhershëm ka qenë reagimi i këtij të fundit.
Ivanov ka ftuar Zaevin që menjëherë të ngrejë procedurë për impiçment. pasiqë qëndrimi i tij në lidhje me marrëveshjen për emrin është përfundimtar dhe ngelet i pandryshuar.
“E ftoj Zaevin me dy të tretën e shumicës e cila është e patjetërsueshme për ndryshimin e kushtetutës së Maqedonisë, menjëherë të ngrejë procedurë për konstatimin e përgjegjësisë së presidentit të Maqedonisë, gjegjësisht impiçment. Qëndrimi im në lidhje me marrëveshjen e dëmshme për emrin është përfundimtar dhe ngelet i pandryshueshëm edhe përskaj të gjitha kërcënimeve dhe trysnive”, thuhet në kumtesën e shkruar të presidentit Ivanov.
Kujtojmë se emri i ri i shtetit të Maqedonisë sipas marrëveshjes me shtetin fqinj Greqinë, do të jetë “Republika e Maqedonisë së Veriut”, një propozim ky i papranuar si për presidentin e shtetit, ashtu edhe për opozitën maqedonase. /tesheshi.com/
