Presidenti maqedonas Gjeorgje Ivanov sërish ka këmbëngulur se nuk do të nënshkruajë dekretin për ratifikimin e Marrëveshjes mes Shkupit dhe Athinës për emrin e ri të Maqedonisë.
Nga zyra e tij u tha qëndrimi i Presidentit mbetet i pandryshuar, pasi në gjykimin e tij marrëveshja është në dëm të identitetit kombëtar maqedonas dhe interesave të Maqedonisë.
“Presidenti Ivanov ka hedhur poshtë me forcë pretendimet e shprehura nga kryeministri Zaev në një intervistë për televizonijn grek TV ERT, ku tha se marrëveshja kishte mbështetje shtetërore. Zaev vazhdon të gënjejë dhe të manipulojë jo vetëm qytetarët e Maqedonisë, por edhe Bashkimi Evropian e Greqinë gjithashtu. Edhe NATO nuk duhet të keqpërdoret për pranimin e një kontratë të pafavorshme me pasoja të paparashikueshme për shtetin e Maqedonisë dhe popullit maqedonas”, u tha në një deklaratë nga zyra e Presidentit Ivanov.
Reagimi erdhi pasi kryeministri Zaev lajmëroi mbajtjen e një referendumi mbi marrëveshjen me Greqinë në shtator, duke u shprehur besimplotë se do të mbështetet e nga opozita dhe Presidenti Ivanov.
Dhe tashmë janë dy ligje të bllokuara nga ky i fundit, të dyja me theks nacional: Shqipja dhe Emri
Sipas shtetet Kushtetutës së Maqedonisë, Ivanov është i detyruar të nënshkruajë dekretin, por nëse jo, kryetari i Kuvendit Talat Xhaferi tha që do të marrë parasysh disa opsione.
Njëra është ratifikimi i Marrëveshjes dhe Ligjit për Gjuhët si në paketë, të cilat do të dërgohen në Gazetën Zyrtare vetëm me nënshkrimin e tij. /tesheshi.com/
