Takimi i presidentit të Maqedonisë, Gjorgje Ivanov, me kreun e LSDM-së, Zoran Zaev, zgjati dy orë e gjysmë, një orë më shumë nga ç’ishte planifikuar.
Pas këtij takimi, Ivanov e porositi Zaevin që të dëshmojë se ka të paktën 61 deputetë së bashku me partnerët e koalicionit në mënyrë që t’i jepet mandati për formimin e qeverisë.
Se çfarë qëndrimi ka për mundësinë e zgjedhjeve të reja, Zaev u përgjigj se të njëjtat do t’i konvenonin LSDM-së.
Po ashtu, Zoran Zaevi komentoi edhe qëndrimet e Brukselit për koalicion të gjerë qeveritar, duke sqaruar se kjo nuk nënkupton koalicion ndërmjet të gjitha partive, por koalicion të gjerë për politikë më stabile qeveritare.
Zaevi edhe njëherë përsëriti faktin se nuk do të koalicionojë me asnjë person të dyshuar nga Prokuroria Publike Speciale. /tesheshi.com/
