Ivanov, letër liderëve botërorë kundër Platformës së shqiptarëve: ja pse nuk e pranojmë

Ndërkohë që i tërë komuniteti ndërkombëtarë kërkon nga presidenti i Maqedonisë, Gjorgje Ivanov të ndryshojë vendimin për mosdhënien e mandatit të formojë qeveri, kreu i LSDM-së, Zoran Zaev, ai i kërkon mbështetjen e tyre kundër shqiptarëve. Ivanov i ka nisur nisur një letër kryetarit të Këshillit të Evropës, Donald Tusk; sekretarit gjeneral të NATO-s, Jens Stoltenberg, si dhe dy presidentëve, atij të SHBA-ve, Donald Trump dhe të Turqisë, Rexhep Taip Erdogan, e cila fillon me ankesën se tre partitë shqiptare kanë përpiluar një platformë nën patronazh të Tiranës dhe të njëjtën kushtëzojnë Qeverinë e Maqedonisë.

“Platforma është dokument paszgjedhor i miratuar në një shtet të huaj në kabinet të një burrështetasi të huaj dhe me ndërmjetësim të kryeministrit të një shteti të huaj. Me këtë platformë rrezikohet suvereniteti i dhe pavarësia e shtetit, duke e vendosur Republikën e Maqedonisë në pozitë të nënshtrimit dhe varësisë nga një shtet tjetër. Realizimi i platformës nënkupton ndryshime në Kushtetutën e Republikës së Maqedonisë me të cilat do të rrezikohej karakteri unitar i shtetit. Platforma e cenon Marëveshjen kornizë të Ohrit, që i rregullon marrëdhëniet e bashkësive etnike me shtetin Republika e Maqedonisë dhe marrëdhëniet e tyre të ndërsjella. Në kyundërshtim me Marrëveshjen kornizë të Ohrit, platforma është diskriminuese ndaj bashkësive të tjera etnike, sepse i jep prioritet vetëm një bashkësie etnike. Kjo platformë nga Tirana në mënyrë plotësuese e destabilizon gjendjen e brendshme politike dhe i rrit tensionet ndëretnike në Republikën e Maqedonisë”, thuhet në letrën e Ivanovit.

Ivanov më tej thotë se mënyra se si është miratuar kjo platformë dhe deklaratat e përfaqësuesve shtetërorë të Shqipërisë dhe Kosovës, kanë ndikuar negativisht në marrëdhëniet ndërfqinjësore dhe rrezikojnë destabilizimin e Ballkanit. /tesheshi.com/