Presidenti maqedonas, Gjorge Ivanov e ka bërë të qartë tashmë se nuk do e dekretojë emrin e ri vendos nga marrëveshja historike me Greqinë.
“Nuk kam mandat të nënshkruaj dekretin për shpalljen e ligjit për ratifikimin e kësaj marrëveshjeje. Një nga shtyllat e politikës programit tim zgjedhor nga viti 2014 është se nuk pranoj ndryshimin e Kushtetutës, me qëllim ndryshimin e emrit kushtetues. Nuk pranoj ide apo propozime që do të rrezikonin identitetin nacional maqedon, veçoritë e kombit maqedon, gjuhën maqedone dhe modelin maqedonas për bashkëjetesë”, thuhet në deklaratën më të fundit të dalë nga Presidenca maqedonase.
Duke vijuar më të njëjtën frymë argumentuese, atë juridike, Ivanon shton:
“Sipas nenit 118 të Kushtetutës së Maqedonisë, marrëveshjet ndërkombëtare që janë ratifikuar në përputhje me Kushtetutën, janë pjesë e rendit të brendshëm juridik…Ligji për ratifikimin e marrëveshjes është në kundërshtim me nenet 51, 118 dhe 119 të Kushtetutës”.
Gjithashtu, Ivanov gjykon se marrëveshja e nënshtron Maqedoninë nga Greqia.
“Sipas nenit 308 të Kodit Penal, qytetari që e sjell vendin në pozitën e të nënshtruarit apo të varësisë ndaj ndonjë shteti tjetër, do të dënohet me së paku 5 vjet burg. Zyrtarizimi i kësaj marrëveshjeje krijon pasoja juridike që janë bazë për vepër penale”, thuhet në qëndrimin e kreut të shtetit maqedonas.
Por çfarë do të ndodhë tani? Zaev paralajmëroi ditë më parë se nëse Ivanov do i qëndrojë mosdekretimit të Marrëveshjes për emrin, mundet të nisë procedurat për shkarkimin e tij. Erdhi momenti për t’u provuar…/tesheshi.com/
