Dy prej tre emrave të cilëve ambasadori Lu “u tërhoqi veshin” në lidhje me qëndrimet anti-gay, kanë reaguar ndaj kryediplomatit amerikan të Tiranës, njëri me ironi e tjetri me seriozitet.
Ylli Manjani ka vendosur të luajë pak me Lu-në, duke e zhvendosur debatin tek një aferë e aluduar soroiste e tij.
“Në vijim të mos shfokusimit, një përgjigje për Ambasadorin Amerikan që ka më shumë përparsi LGBT: Edhe unë zoti Lu, po ndjek me vemendje debatin në Amerikë për përfshirjen Tuaj në dorëzimin e Sistemit të Drejtësisë së Shqipërisë në duart e Qeverisë! Kjo është më e rëndësishme! Ndjesë që nuk debatoj dot me ty në Kuvend sepse nuk jam deputet!”, u shpreh Manjani.
Ndërsa Tritan Shehu ka qenë tejet serioz në përgjigjen e tij.
“Une si deputet i Kuvendit, si perfaqesues i Qendres se Djathte dhe i elektoratit te Qarkut te Gjirokastres kam te drejten time te shpreh edhe bindjet e principet e mia personale per te tilla ceshtje, kuptohet brenda ligjeve te vendit tim. Sic une i respektoj bindjet e te tjereve, kerkoj nga kushdo te respektoje edhe te mijat, kjo eshte demokracia; sot jam shokuar!”, shkruan Shehu.
Mungon ende reagimi i deputetes tjetër demokrate, Oriola Pampuri, edhe ajo në shënjestër të kritikave të ambasadorit Lu. /tesheshi.com/
