Në reagimin e parë pas vendimit të presidentit Ivanov për të mos i dhënë mandatin e formimit të qeverisë, lideri i LSDM-së, Zoran Zaev e ka quajtur aktin e kreut të shtetit maqedon si një grusht shteti.
Gjorgje Ivanov, me vendimin që të mos e jep mandatin, ka bërë grusht-shtet, duke e futur vendin në një krizë të thellë”, tha Zaev gjatë një konferencës për shtyp në orët e mbrëmjes.
Sipas tij, Ivanov ka shkaktuar një krizë kushtetuese duke kundërshtuar vullnetin e popullit, nënshkrimet e 67 deputetëve, dhe duke u vënë në shërbim të Gruevskit dhe partisë së tij.
“LSDM nuk do të lejojë që askush të luajë me ardhmërinë e vendit për interesa personale dhe kriminale. Koncepti që u mbështet nga qytetarët, është garancia e vetme për unitaritetin e vendit”, theksoi Zaev.
Ky i fundit bëri thirrje për qetësi dhe vetëpërmbajtje, duke thënë se do ketë gjithsesi një zgjidhje për të cilën po punohet. /tesheshi.com/
