Krydemokrati Basha ësshtë rishfaqur me një tjetër “dehje” politike, e cila qartazi vjen nga fakti se tashmë që arriti të bëjë me Berishën atë që i kërkonin amerikanët, ai po ndihet i përkëdhelur prej tyre, deri në besimin se do jenë pikërisht ata që do e mbështesin tashmë në çdo aksion politik.
Pas një takimi të fundit që pati në selinë e PD-së me një grup kongresmenësh dhe senatorësh amerikanë, republikanë e demokratë, të cilët ishin më parë dhe te Rama, Basha tha nën eufori:
“Prania kaq e lartë e anëtarëve të Kongresit dhe Senatit amerikan, siç edhe e thashë bipartizan, e në veçanti me një shumicë dërrmuese republikane ishte një mundësi e jashtëzakonshme për të folur për prioritetet tona politike dhe prioriteti jonë absolut është ndarja nga e shkuara, ndarja nga korrupsioni endemik që ka shkatërruar jetët e shqiptarëve…”, tha Basha.
Kujtojmë se një ditë më parë, ai do deklaronte se “Koha e Berishës ka mbarruar”.
Siç ma tha më tej njeriu nr. 1 i opozitës, amerikanët e kanë dëgjuar me mjaf vëmendje.
“Kongresmenët amerikanë së bashku me zyrtarë të lartë vizituan PD dhe na dhanë mundësinë për të shkëmbyer mendime mbi gjendjen politike në Shqipëri dhe në rajon dhe mbi perspektivën në SHBA. Në prioritetin e parë rendita domosdoshmërinë e vënies së vendit në shinat demokratike dhe rolin e veçantë që ka lufta ndaj korrupsionit dhe krimit të organizuar. Pjesë e diskutimit është edhe ai i vettingut të politikanëve dhe mbajtja e zgjedhjeve të lira dhe të ndershme”, ishin fjalët e Bashës, tipike të ligjëimit të tij të drunjtë e skematik. /tesheshi.com/
