Arabia Saudite, eksportuesi më i madh i naftës në botë, tha se do të vazhdojë të dërgojë anije me “arin e zi” i rrugës Detit të Kuq, e cila ka qenë kohët e fundit objekt i sulmeve me raketa nga rebelet Hothi të Jemenit.
10 ditë më parë, zyrtarët sauditë e pezulluan përkohësisht dërgesat e naftës nëpër ngushticën e Bab el-Mandeb, pikërisht nga një sulm prej rebelevë shiitë të Jemenit me të cilët është në konflikt vitet e fundit, ku dy anijeve pësuan dëme.
“Vendimi për të vazhduar dërgesat e naftës përmes Bab el-Mandeb vjen pas ndërmarrjes të të gjitha veprimeve të nevojshme për të mbrojtur anijet e vendeve të koalicionit”, tha Ministri i Energjisë i Arabisë Saudite, Khalid al-Falih. Por ai nuk dha detaje më të shumta se ç’janë këto masa.
Ngushtica e Bab el-Mandeb, është vendi ku Deti i Kuq takohet me Gjirin e Adenit në Detin Arabik, me një gjerësi vetëm 20 kilometra. Prandaj, qindra anije që kalojnë aty janë potencialisht një objektiv i lehtë.
Jemeni ndodhet në brigjet jugore të Detit të Kuq dhe ka në shënjestër një nga rrugët më të rëndësishme tregtare në botë për tankerët që transportojnë naftë.
Tankerët kalojnë përgjatë bregdetit të Jemenit kur lëvizin nga Lindja e Mesme përmes Kanalit të Suezit drejt Evropës. /tesheshi.com/
