Zëdhënësi i presidenti Meta shpotiti zërin e BE-së, Maja Koçijançiç, e cila për një televizion të Tiranës u shpreh rreth krizës, duke kërkuar ulje në tavolinë mes palëve.
“Partitë politike duhet të përfshihen në një dialog të mirëfilltë, në një frymë të mirëkuptimit të ndërsjellë, pa parakushte, dhe të tregojnë përkushtim të vendosur për të gjetur konsensus për një rrugë përpara”, tha zëdhënësja e Brukselit, ku gjithsesi, nuk e përfshiu në komentet e saj kreun e shtetit, edhe në rastin kur foli për hetimin parlamentar ndaj tij.
“BE-ja është e vetëdijshme që u krijua një komitet hetimor për këtë çështje (shkeljen e Kushtetutës për rastin e anullimit të 30 Qershorit) dhe se u mbajt seanca dëgjimore që përfshin Presidentin. Çështja u dërgua gjithashtu për shqyrtim në Komisionin e Venecias, i cili do të shqyrtojë aspektet ligjore. Hetimi dhe rishikimi i jashtëm nga Komisioni i Venecias janë duke vazhduar. Prandaj BE nuk ka ndonjë koment”, tha Koçijançiç. Por këto komente nuk janë pritur mirë në Presidencë dhe prej aty është goditur rrufeshëm:
“Të dashur kolegë të Fax Neës,
Ju lutem dërgojini znj.Koçijançiç raportin final të misionit të OSBE/ODIHR për turpin e 30 qershorit, ku flitet dhe për dekretin e Presidentit Meta.
Po kështu tregojini që Presidenti Meta është shumë i kënaqur që Kuvendi ka ftuar Komisionin e Venecias të vlerësojë nëse Presidenti Meta ka respektuar apo jo Kushtetutën”, shkroi zëdhënësi Tedi Blushi. /tesheshi.com/
