I njohur si ithtar i kreut demokrat Basha, dhe padyshim i “Republikës së Re” promovuar nga ky i fundit, komentatori politik Agron Gjekmarkaj është shfaqur kritik ndaj tij pas mospërfshirjes së Jozefina Topallit në listat e kandidatëve për deputetë.
“Ajo është përfaqësuese e katolikëve… përfaqson dhe të përndjekurit…”, tha Gjekmarkaj në “Top Story”, duke shtuar se Basha nuk duhej të kishte prekur ca korda të ndjeshme me përjashtimin e Jozefinës nga listat.
Në rastin e evidentimit të statusit fetar të saj në një kontekst politik, Gjekmarkaj, që gjithashtu i përket një zëri të fortë katolik në auloën mediatike shqiptare, sqaroi se kjo nuk kishte për qëllim diferencime fetare, porse ekziston gjithsesi si sentiment brenda një grupimi të caktuar shoqëror.
Ndërkohë, vetë znj. Topalli shprehu sërish një dëshpërim deri në kufijtë e irritimit ndaj aktit të Bashës që e la jashtë listës së Shkodrës. Tek “Të paekspozuarit”, Topalli e quajti gjendjen e PD-së pas “listave Basha”, më të rëndë edhe se në ‘97-ën. /tesheshi.com/
