Është fashitur tashmë çdo dyshim mbi arsyen e vërtetë të uljes së një avioni italian në zonën e Ishmit në Durrës, paraditen e së enjtes. Ajo ka qenë “droga”.
Kjo është zbuluar nga të dhënat e gazetarit të News 24, Artan Hoxha, i cili i është referuar burimeve të tij nga Prokuroria e Krimeve të Rënda, ku thuhet se piloti italian, 69-vjeçari Guido Guidi është rrëfyer para hetuesve duke pranuar se udhëtimi i tij ka qenë për arsye inspektimi të zonës, para se të ndërrmerte një tjetër udhëtim, atë për transportin e 200 kg hashash, gjë që do të ndodhte pas disa javësh.
Dhe në informacionin e servirur gazetaresk, bëhet fjalë dhe për emra konkretë që italiani ka përmendur, porositësit nga Italia e ata shqiptarë që do siguronin ngarkesën.
Por siç njoftohet nga News 24, kjo gjë i ka kushtuar gazetarit Hoxha shoqërimin në Prokurori me akuzën e nxjerrjes së sekretit hetimor.
Por më e rëndësishme në gjithë këtë zhvillim, është konfirmimi i faktit se droga ka qenë arsyeja e vërtetë e uljes së avionit italian, që siç në rastin e Riformatos në plazhin e Divjakës, dhe është difektuar.
Në momentin e kapjes, italiani u kishte deklaruar hetuesve se ai po bëntë një fluturim për qejf kur kishte konstatuar një defekt, duke u detyruar që të ulet, por pa e ditur se ku, pra se ishte në tokë shqiptare.
Por ndërkohë, të dhënat e terrenit tregonin për përshtatjen e një piste, për të cilën pronari i tokës ku u gjet avioni, ka thënë se e kishte sistemuar për hipizëm. /tesheshi.com/
