Një studim i fundit italian ka zbuluar se, edhe pse përmbajnë karbohidrate, makaronat nuk të shëndoshin. Kjo është e vërtetë kur shoqërohen nga një dietë mesdhetare e pasur me perime dhe vaj ulliri. Nëse konsumohen në mënyrë të tillë, ndikojnë në një ulje të lehtë të Masës së Indeksit Trupor.
Makaronat eliminohen fare nga ata persona që duan të bien në peshë. Por, studimi tregon se nuk është kjo gjëja e duhur për t’u bërë. Po flasim për një pjatë tradicionale italiane dhe nuk ka asnjë arsye përse të mos e konsumojmë më”, thotë studimi.
Pra, studimi italian ka bërë të qartë se dieta mesdhetare, e konsumuar në mënyrë të moderuar dhe duke respektuar varietetin e të gjitha elementeve të saj (makaronat në radhë të parë), është e mirë për shëndetin./tesheshi.com/
