Mësohet se qeveria italiane do t’i falë Shqipërisë edhe 20 milionë euro të tjera borxhe. Ky akt kushtëzohet nga ajo që ky fond të përdoret për t’u financuar në investime publike në rajone të ndryshme të vendit.
Ky është programi i dytë i faljes së borxhit, pasi më parë, qeveria italiane i ka falur Shqipërisë 20 milionë euro të tjera, me të cilat janë financuar gati 42 projekte në shkallë vendi, si shkolla, spitale apo projekte infrastrukture.
Ky vendim, i cili zyrtarizon konvertimin e borxhit sipas marrëveshjes së nënshkruar nga ministri i Financave, Arben Ahmetaj, dhe ambasadori italian, Alberto Cutillo, u miratua këtë të mërkurë nga qeveria. /tesheshi.com/
