Një foshnjë 13-muajshe ka ndërruar jetë mëngjesin e sotëm pasi u sulmua nga dy pitbullë në një rezidencë private në Salerno, në jug të Italisë, pak larg nga Napoli.
Teksa foshnja ishte në krahët e xhaxhait, papritur dy qentë – të cilët i përkisnin një miku fqinji të familjes – e sulmuan atë duke e “rrëmbyer” nga burri dhe duke e plagosur në të gjithë trupin. Nëna e fëmijës u përpoq ta shpëtonte, duke e vënë trupin e saj përpara si mburojë dhe u dërgua në spital me plagë të rënda.
Një ambulancë mbërriti menjëherë në vendin e ngjarjes tragjike, por fëmija pothuajse nuk jetonte më.
“Ata fjalë për fjalë e rrëmbyen atë nga duart e xhaxhait të tij dhe e kafshuan. Shërbimi veterinar do të marrë të dy qentë që nuk i përkisnin familjes së prekur nga kjo tragjedi por një familjeje tjetër që jeton në të njëjtën shtëpi. Ishte një sulm brutal dhe pavarësisht se të afërmit e fëmijës ndërhynë për ta liruar, asgjë nuk mund të bëhej”, tha kryetari i bashkisë së Empolit (Salerno), Mario Conte për agjencinë italiane të lajmeve ANSA. “Gjithçka ndodhi papritur, brenda pak çastesh dhe askush nuk mund të shpjegojë se si ndodhi pasi këta qen ishin gjithmonë aty. Është një tragjedi që ka tronditur të gjithë komunitetin”, tha kryebashkiaku.
Kështu, qenmania njerëzore, pra “sëmundja” për ta ndarë jetën me qen, aq më tepër me pitbull, ka shkaktuar tragjedinë e radhës. /tesheshi.com/
