Italia ndodhet sot para një udhëkryqi të madh politik.
46 milionë italianë janë thirrur që të zgjedhin dy dhomat e Parlamentit të ri, e natyrisht qeverinë që do të drejtojë vendin në 5 vitet e ardhshme.
Sot në mbrëmje, përkatësisht në orën 21mbyllen kututë e votimit dhe fillon numërimi për të zgjedhur 618 deputetë, 306 senatorë dhe 18 parlamentarë të diasporës.
Gjithashtu po sot zgjidhen presidentët e dy rajoneve të rëndësishme, Lombardisë që ka kryeqendër Milanon dhe Lazio-s që ka kryeqytet Romën.
Sipas sondazheve ka gjasa që forcë e parë të dalë lëvizja “5 Yje”, e cila nga “ Movimento Vafanculo” u kthye në një forcë që synon qeverisjen.
Por si koalicion në sondazhe paraqitet më mirë koalicioni i qendrës së djathtë i përbërë nga ish-kryeministri Silvio Berlusconi dhe kreu i Lega Nord, Matteo Salvini.
Si “5 Yjet” ashtu edhe Salvini janë dy politikanë që predikojnë daljen e Italisë nga Euro dhe masa të tjera anti-BE ndaj shihen me shqetësim nga opinion publik europian.
Matteo Renzi, kreu i Partisë Demokratike, grupimi që është në qeveri aktualisht projektohet të dalë parti e dytë.
Por sondazhet japin një paqartësi pasi asnjëra nga partitë nuk kanë shumicën për të formuar qeverinë.
Renzi ka deklaruar se nuk do të bëjë koalicion me asnjë nga partitë ekstremiste. /tesheshi.com/
