Ndryshim kursi politik në Itali. Plot 50 ditë pas dështimit për formimit të një qeverie nga koalicioni më i madh, ai i qendrës së djathtë me kandidat kreun e Lega-s, Matteo Salvini, partia më e madhe në vend, 5 Yjet u ka bërë thirrje armiqve të Partisë Demokratike të Matteo Renzit që të bëjnë një qeveri së bashku.
Presidenti Sergio Matarella ka ngarkuar kreun e Dhomës së Deputetëve, Roberto Fico që të eksplorojë nëse ekziston mundësia e një pakti mes 5 Yjeve dhe PD-së.
Pikërisht ky evenimet ka shkaktuar tërmet në partinë që humbi zgjedhjet italiane.
Opinioni i brendshëm është ndarë keq: një pjesë janë dakord me një qeveri me 5 Yjet për të mos lejuar ekstremistët e Lega-s që të drejtojnë vendin, kurse pjesa tjetër që drejtohen nga kreu i dorëhequr kanë nisur revoltën, duke thënë se po tradhëtohen zgjedhësit.
Në rrjet ka shpërthyer hashtagu RenziRitorna që kërkojnë shkrirjen e dorëheqjes së kryetarit të partisë dhe daljen në zgjedhje të reja duke luftuar ekstremizmin. /tesheshi.com/
