Italia ka më në fund qeverinë e saj pas 3 muajsh kaosi.
Lëvizja 5 Yje dhe Lega janë tërhequr nga vetoja e tyre për ministrin e Ekonomisë, Paolo Savona, një ekspert anti-euro që e ka refuzuar presidenti Mattarella.
Savona është emëruar ministër i Çështjev Europiane.
Kryeministër u emërua Giusepe Conte, profesori me probleme diplomash që u propozua nga Di Maio e Salvini që në fillim.
Vetë Matteo Salvini është emëruar Zv.kryeministër dhe ministër i Brendshëm, i cili ka premtuar që tani një lëvizje të fortë kundër emigrantëve të paligjshëm në vend.
Kreu i 5 Yjeve, Luigi di Maio është emëruar ministër i Punës dhe Zv.kryeministër gjithashtu.
Ministër i Jashtëm është dekretuar Enzo Moavero, një profesor i së Drejtës Ndërkombëtare, i cili ka qenë ministër edhe në qeveritë e Mario Montit dhe Enrico Letta-s.
Në qeverinë e re ka 18 ministra: 9 të 5 Yjeve, 6 të Lega-s dhe 3 teknikë. Pesë janë gra.
Kryeministri Giusepe Conte do të ngjitet për të marrë dekretin e kabinetit në Presidencë, ndërkohë që për dy ditë do të paraqitet në dy dhomat e parlamentit. /tesheshi.com/
