Një tërmet i fuqishëm e ka goditur Italinë qendrore në orët e para të së mërkurës, duke sjellë viktima, shkatërrime ndërtesash, e njerëz të mbetur nën rrënoja.
Toka do të lëkundej fort në orën 03:36 të ditës së sotme, me epiqendër 76 kilometra në juglindje të Peruxhias, në një thellësi prej 10 kilometrash.
Mbrojtja Civile në Itali e ka përshkruar tërmetin si të rëndë.
Accumoli, Amatrice, Posta dhe Arquata del Tronto besohet të jenë më të goditurat nga tërmeti 6.2 ballë.
Në tre orët pasuese pas tërmetit janë ndjerë dhe shtatëmbëdhjetë goditje të tjera. Televizionet kanë përcjellë imazhe të godinave të kthyera në rrënoja.
Zëdhënësi i kryeministrit italian njoftoi përmes një rrjeti social se qeveria po e ndiqte nga afër situatën.
Bilanci i dëmeve dhe i viktimave mund të rëndohet me kalimin e orëve.
Shtatë vite më parë, në 2009-tën, një tërmet 6.3 ballësh që goditi rajonin e Akuilës la më shumë se 300 të vdekur. /tesheshi.com/
