Dy prej fuqive të futbollit europian janë mjaftuar me një barazim 1-1 në takimin e tyre miqësor të zhvilluar mbrëmjen e së mërkurës në Udine. Zotërimi i barabartë i lojës flet për ekuilbrin në fushë, edhe pse italianët qenë disi më kërkues.
Spanjollët qenë gati të përgjumur, por gjithsesi ia dolën të mos humbasin. De Gea në portë qe vendimtar për ta, duke kryer një seri pritjesh shpëtimtare.
Shifrat do të ndryshonin në minutën e 68-të, kur Insigne i kaloi italianët në epërsi. Vendasit nuk do të gëzonin gjatë, pasi pas dy minutash Spanja e gjen barazimin pas golit të shënuar nga Aduriz.
De Gea, Insigne e Candreva spikatën më së shumti me atë çka bënë në fushë, por portieri i Realit të Madridit dalloi ndër ta, pasi pritjet e tij i mohuan Italisë një fitore.
Ky ishte barazimi i 11-të mes dy përfaqësueseve në 30 takimet e tyre.
Ndër miqësoret e tjera, veçohet fitorja 2-1 e Turqisë ndaj Suedisë, së cilës i mungonte Ibrahimoviç, që nuk gjendej as në stol.
Po 2-1 fitoi dhe Greqia ndaj Malit të Zi, e me të njëjtin rezultat Danimarka mposhti Islandën. Skocia fitoi 0-1 në Çeki ndaj kombëtares vendase, e Ukraina mundi 1-0 Qipron. /tesheshi.com/
