Ministri i Brendshëm i Italisë, Matteo Salvini ka bërë thirrje për zgjedhje të parakohshme pasi që sipas tij, mosmarrëveshjet me partnerët e koalicionit nuk mund të përmirësohen.
Salvini, që kryeson partinë e ekstremit të djathtë LEGA, ka pasur një seri përplasjesh me zv/kryeministrin Luigi di Maio, nga Lëvizja 5 Yjet, lidhur me kontratat e trenave më shpejtësi të lartë. Ai rriti presionin të enjten, duke thënë se nuk kishte më një mazhorancë në mbështetje të qeverisë dhe kërkoi zgjedhje të reja.
Edhe udhëheqësi i 5 Yjeve, Luigi Di Maio tha se partia e tij nuk ka frikë nga një zgjedhje tjetër.
Partia e krahut të djathtë të Salvinit është shumë përpara në sondazhet e opinioneve, kryesisht për shkak të qëndrimit të tij kundër emigracionit.
Salvini është gjithashtu shumë aktiv në mediat sociale dhe ka zhvilluar një imazh të “burrit të popullit”, duke bërë presion për uljen e taksave përkundër borxhit prej 2.3 trilion eurosh.
Në zgjedhjet e vitit të kaluar, 5 Yjet fituan dy herë më shumë vota sesa Liga e Salvinit, por sondazhet sugjerojnë që këto parametra janë pezulluar. /tesheshi.com/
