Paolo Gentiloni, ministër i Jashtëm në qeverinë “Renzi”, emërohet kryeministër i ri i Italisë pas dorëheqjes së Matteos një javë më parë pas rezultatit dërmues kundër projektit të tij për reformë kushtetuese.
Gentiloni e mori detyrën e re pas një takimi në Presidencë me kreun e shtetit, Sergio Mattarella.
I njohur si besnik i Matteo Renzit, Paolo Gentiloni, 62 vjeç, u emërua si kreu i diplomacisë italiane në nëntori të vitit 2014 kur zëvendësoi Federica Mogherinin e emëruar si shefe e diplomacisë evropiane. /tesheshi.com/
