Italia planifikon të nxjerrë rreth 60,000 vullnetarë në ambiente publike për të siguruar që rregullat e distancës fizike të ruhen dhe të paralajmërojë njerëzit që të respektojnë këtë masë për të parandaluar infektimit koronar në fazën e heqjes së karantinës dhe lehtësimit të masave kufizuese.
Ministri i Punëve Rajonale Francesco Boccia njoftoi një plan të tillë për shkak të rritjes së frikës se njerëzit nuk respektojnë sa duhet masën e distancës e rrijnë rrezikshëm pranë njëri-tjetrit në plazhe, bare dhe sheshe publike.
Vullnetarët do të monitorojnë vigjilentë “por gjithashtu të jenë nxitës të sjelljes së mirë”, i tha Kryetari i Bashkisë së Barit, njëherësh dhe Presidenti i Shoqatës së Qyteteve Italiane, Antonio Decaro për gazetën La Reppublica.
Ministri Boccia njoftoi se vullnetarët do të vepronin nën emrin “asistentë civilë” dhe se ata do të mbanin bluza blu. “Ata do të pajisen me fuqinë e bindjes, argumenteve dhe një buzëqeshje,” tha ministri.
Thirrja për të vepruar si vullnetarë / kujdestarë do t’u jepet përparësi të papunëve dhe përfituesve të ndihmës sociale, dhe do të publikohet gjatë javës nga Agjensia e Mbrojtjes Civile, tha Boccia në Facebook.
Italia u prek rëndë nga pandemia koronare, duke përjetuar kulmin në mars, pas së cilës numri i të infektuarve ra me javë të tëra, kështu që karantina e futur në vend do të përfundonte më 18 maj.
Në një intervistë me La Stampa-n, Boccia tha se qeveria po përdorte parimin e “shkopit dhe karotës”, e cila “funksionon”, por paralajmëroi se lehtësimi i mëtejshëm i masave mund të vonohet në rast të sjelljes së papërshtatshme nga qytetarët.
Autoritetet italiane aktualisht janë duke parashikuar heqjen e ndalimit të udhëtimit midis rajoneve në 3 qershor. Në të njëjtën ditë, Italia do të hapë kufijtë e saj për turistët nga vendet e Bashkimit Evropian. /tesheshi.com/
