Italia ka miratuar një ligj që autorizon lëshimin e lejeve për 40,000 punëtorë sezonalë nga jashtë Bashkimit Evropian në sektorët e bujqësisë dhe turizmit të vendit, njoftoi shoqata italiane e fermerëve Coldiretti.
Rregullorja përkon me fillimin e sezonit të vjeljes së mollëve dhe rrushit, transmeton ANSA. Punonjësit sezonalë do të punësohen në bazë të kërkesave të paraqitura në zyrat lokale të emigracionit.
Kontratat afatshkurtra
Punëtorët e huaj të punësuar në bujqësi vijnë kryesisht nga Rumania, Maroku, India dhe Shqipëria, edhe pse pothuajse të gjitha kombësitë janë të përfaqësuara, njoftoi shoqata e fermerëve.
Shumica e fermerëve janë të punësuar në bazë të kontratave afatshkurtra. Ata punojnë në rajonet e Verona, Friuli, Trentino, Piemonte, Emilia Romagna dhe Lombardia, duke ndihmuar në korrjen dhe prodhimin e luleshtrydheve, hardhive, mollëve, rrushit dhe qumështit, transmeton Tanjug. /tesheshi.com/
