Një bandë kriminale në Itali është shkatërruar pas një aksioni të karabinerisë, ndërsa mes të arrestuarve janë edhe shqiptarë.
Mediat italiane shkruajnë se personat në fjalë akuzohen për rrëmbim personi, grabitje dhe trafike droge.
“Ansa” shkruan se hetimi lidhur me këtë grup kriminal kishte nisur në muajin mars vitit të kaluar, por u finalizua mëngjesin e sotëm.
Policia arrestoi 5 persona, shqiptarë dhe italianë. Emrat e personave nuk bëhen të ditur për shkak se hetimet vijojnë. Policia po punon për të dokumentuar veprimtarinë e bandës, e cila kishte aktivitetin e saj kryesor trafikun e drogës dhe rrëmbime personash. /tesheshi.com/
