Nëse vizitoni Portofino-n të Italisë, mos u tundoni të bëni selfie pasi gjoba e vendosur nga autoritetet do t’ju kushtojë shtrenjtë.
Portofino, e vendosur në bregdetin e Liguria-s, konsiderohet si një nga destinacionet më të njohura evropiane të zgjedhur nga mijëra turistë.
Megjithatë, fluksi i madh i turistëve – duke përfshirë shumë të famshëm – ka krijuar atë që autoritetet thonë se është “kaos i padisiplinuar”, me udhëtarët që ndalojnë në mes të rrugës për të bërë një selfie, duke shkaktuar kaos në trafik.
Rreth 500 banorë të përhershëm protestuan pranë autoriteteve të Portofino-s dhe ata, duke marrë parasysh paligjshmërinë e banorëve, ndaluan selfiet.
Turistët që bëjnë selfie në dy “zona të kuqe” të Portofino-s mund të gjobiten deri në 275 euro, raporton BBC.
Kryetari i bashkisë së Portofino-s, Matteo Viacava, ishte i shpejtë për të argumentuar se turistët që bënin selfie në zona të caktuara po shkaktonin “kaos” në rrugë dhe bllokime të mëdha trafiku.
Për këtë arsye, autoritetet lokale në qytetin italian vendosën masën e re gjatë fundjavës së Pashkëve dhe planifikojnë ta mbajnë atë në fuqi deri në fund të sezonit të festave në tetor.
Por për turistët e dëshpëruar për të bërë një selfie në “zonat e ndaluara” ndalimi i vendosur nga pushteti vendor hiqet çdo ditë në orën 18:00.
Vlen të përmendet se Portofino nuk është i vetmi qytet ku autoritetet i kanë ndaluar njerëzit të bëjnë selfie.
Autoritetet hekurudhore të Japonisë kanë ndaluar qytetarët të përdorin shkopinj selfie në rrjetin hekurudhor, nga frika se mund të prekin aksidentalisht telat e sipërm dhe të marrin një goditje elektrike. /tesheshi.com/
