Anëtarët e Lëvizjes Pesë Yje (M5S) do të votojnë bashkimin në një koalicion me Partinë Demokratike të qendrës së majtë (PD) gjatë ditëve të ardhshme, me vlerësimet që tregojnë se rezultati i votimit do të jetë i pasigurt.
Lëvizja anti-sistem njoftoi se para nënshkrimit të një marrëveshje koalicioni me PD, ajo do të duhej të konfirmohej nga anëtarët e partisë me votim në internet, në mënyrë që të respektonte demokracinë direkte të mbrojtur nga M5S.
Data e votimit është e panjohur, por ajo do të zhvillohet brenda ditëve të ardhshme në platformën online të M5S Rouusseau, të emëruar pas filozofit iluminist dhe përkrahës i demokracisë direkte.
Por rezultati i votimit është larg nga të qënit i sigurt. Shumë anëtarë të M5S e konsiderojnë PD-në një simbol të institucionit të korruptuar italian, kundër të cilit M5S filloi një luftë dhjetë vjet më parë.
Një sondazh i fundit në Winpoll tregon se 43 përqind e votuesve të M5S mbështesin një koalicion me PD, 22 përqind duan zgjedhje të parakohshme, 16 përqind favorizojnë një koalicion të ri me LEGA-n e ekstremit të djathtë, dhe 19 përqind janë të pavendosur.
Shpesh, anëtarët e M5S votojnë për çështjet kryesore në internet. Më të fundit votime online ishin ato për liderin aktual Luigi Di Mai, si dhe koalicionin me LEGA-n. /tesheshi.com/
