Një konflikt i ashpër verbal është regjistruar mes Giorgia Melonit dhe sekretarit të partisë së qendrës së majtë italiane, njçherçsh ish-kryeministrçr, Enrico Letta.
“Fillimi i këtij mandati legjislativ është më i keqi i mundshëm. Fillon me një logjikë nxitëse nga ata që fituan zgjedhjet. Fituesit e zgjedhjeve në vend që ta pajtojnë vendin, e ndajnë atë. Por ai që mbjell erëra, medoemos korr stuhi”, tha Leta nga Berlini, ku po mbahet konferenca e socialistëve europianë.
“I ftoj të gjithë të kuptojnë se kjo metodë është vërtet e gabuar. Çdo mundësi për të zhvilluar një marrëdhënie mes koalicionit dhe opozitës, një marrëdhënie në interes të vendit, po zhduket”, shtoi politikani italian i qendrës së majtë.
Dhe presidentja e Vëllezërve të Italisë dhe fituese e zgjedhjeve parlamentare, Giorgia Meloni, i është përgjigjur drejtpërdrejt, duke nënvizuar se “fjalët e sekretarit të Partisë Demokratike janë shumë të rënda”.
Sipas Melonit, “duke deklaruar jashtë vendit, se zgjedhja e presidentëve të Dhomës dhe Senatit bazohet në një logjikë të pretenduar të çoroditur dhe nxitëse” dhe se kjo zgjedhje e anëtarëve të parlamentit konfirmon “shqetësimet më të këqija të të gjithë Evropës”. “Është skandaloze dhe dëmton Italinë, institucionet e saj më të larta dhe prestigjin e saj ndërkombëtar”.
Ajo i bëri thirrje Letta-s që të “kërkojë falje menjëherë”.
Më në fund, kreu i qendrës së majtë italiane i është përgjigjur asaj se “koalicioni nuk ka të drejtë t’i thotë opozitës çfarë të thotë dhe në çfarë mënyre duhet ta thotë”. /tesheshi.com/
