Një vajzë 1 vjeçare u masakrua nga dy qen të rracës pitbull, që i përkisnin gjyshit të saj.
Mediat italiane kanë publikuar foto nga vendi i ngjarjes që tregojnë tmerrin që ka ndodhur në shtëpinë e të moshuarit.
Vajza e vogël, me baba shqiptar dhe nënën italiane, ishte në shtëpinë e gjyshit të saj kur ndodhi tragjedia. Ajo kishte dalë për të luajtur në oborr, por papritmas u sulmua nga dy qentë pitbull, të cilët sipas medias italiane ishte i aftë t’i menaxhonte vetëm i ati i saj.
Me të dëgjuar klithmat, gjyshi i vogëlushes 1 vjeçare ka dalë menjëherë për të ndihmuar mbesën por ka qenë i paaftë për të bërë gjë. Ai ka mbetur i plagosur, dhe vetëm me ndërhyrjen e karabinierëve skena e tmerrit ka përfunduar. Oficerët e policisë kanë qëlluar mbi dy kafshët e tërbuara.
Tgcom ka postuar fotot e ngjarjes së kobshme. Nëna e të miturës, shtetase italiane e moshës 22 vjeçare ndodhet në spital në gjëndje të rëndë psikike. Babai i vogëlushes nuk ndodhej fare në Itali, pasi kishte shkuar në Gjermani për të punuar pas humbjes së vendit të punës në Itali.
Vogëlushja humbi jetën për shkak të traumave në kokë. /tesheshi.com/
