Riaktivizohen forcat fashiste në Itali dhe kryejnë aktin e parë politik. Një grupim i quajtur Forca Nova, kanë demonstruar me gaz lotsjellës përpara selisë të së përditshmes La Repubblica në Romë.
Të maskuar ata kanë sulmuar gazetarët e saj e cila është një media me linjë editoriale të qendrës së majtë. Në terren kanë mbërritur menjëherë forcat e posaçme antiterrorizëm të karabinerëve që kanë ndaluar organizatorët e blitz-it fashist.
Me këtë veprim, Forca Nuova ka inaguruar hyrjen e saj në politikë si një grupim ektremist i së djathtës me të dhëna raciste dhe ksenofobe.
“Ky është vetëm fillimi”, deklaroi në një njoftim për mediat grupimi më i ri ekstremist në Europë.
Situata ka alarmuar qeverinë dhe kryeministrin Gentilioni, i cili ka dërguar në vendngjarje vetë ministrin e Brendshëm Miniti, i cili deklaroi se “antifashizmi dhe shtypi i lirë është baza e demokracisë”.
Ndërkaq, në një komunikatë zyrtare Këshilli Drejtues i La Repubblica-s, e konsideron sulmin e sotën në redaksinë e saj si një “shqetësim i madh për demokracinë, pasi po bëhet një fenomen politik rritja e fashizmit dhe e ksenofobisë jo vetëm në komunikimin politik por deri në dhunë verbale dhe reale. Por gazeta jonë nuk frikësohet nga askush, madje do të informojë vazhdimisht lexuesit e saj mbi zhvillimet e Forca Nuova, si një forcë ekstremiste”. /tesheshi.com/
