Policia italiane ka bërë të ditur se ka sekuestruar dy ton kokainë në det në brigjet lindore të Siçilisë, me vlerë tregu mbi 400 milionë euro.
Sipas La Stampa, droga ishte e paketuar në shtatëdhjetë pako të monitoruara nga pajisje sinjalizuese me dritë dhe një rrjet i lidhur.
“Droga ishte në 70 pako me një peshë totale gati 2000 kilogramë. Është një nga zbulimet më të mëdha të drogës ndonjëherë në territorin shtetëror. Pakot janë pikasur nga njësitë ajrore dhe detare në kuadër të aktiviteteve specifike të kontrollit të policisë financiare. Pas kësaj kanë kryer një aksion”, shkruan një gazetë italiane.
Gjithashtu, ka nisur aktiviteti i zbulimit ajror të terrenit.
“Kemi kontrolluar për praninë e pakove të tjera në zonën ku u gjetën këto pako. Pas përfundimit të aktiviteteve ajrore dhe detare, forcat nga Catania filluan inspektimin e paketës. Pas analizave u konstatua se ishte kokainë”, tha policia. /tesheshi.com/
