Po kalon një javë nga zgjedhjet parlamentare në Itali dhe asnjëra nga forcat që kanë fituar zgjedhjet, si partia më e madhe, pra 5 Yjet, si koalicioni më i madh, pra Qendra e Djathtë nuk bën dot qeveri.
Dy forcat që kanë sulmuar sistemin politik me termin “kundër establishmentit” duke imituar Trump-in, po bëjnë të njëjtat gjëra të sistemit të vjetër: po kërkojnë deputetë për t’i shkëputur nga partitë, duke i joshur me poste.
Matteo Salvini ka akuzuar pjesë të partisë së Renzit se po bëjnë lëvizje të fshehta me 5 Yjet.
Kandidati i 5 Yje-ve për kryeministër, Luigi di Maio, tha se “të bësh qeveri pa ne është një fyerje e demokracisë” dhe i bëri thirrje Legës që të linte lojrat e fshehta.
Por në fakt këto duken lojra të këtyre dy liderëve që për të qeverisur së bashku bëjnë sikur zihen.
Ka gjithashtu edhe një arsye tjetër: Presidenti Serio Mattarella ka deklaruar se nëse asnjë mazhorancë nuk i ka numrat, atëherë ai do të shpallte zgjedhje të reja. /tesheshi.com/
