Ish-prifti italian, i njohur si “Don Euro” pasi kërkonte vazhdimisht para nga famullitë e tij, u dënua për zhvatje të ish-peshkopit, raportoi BBC.
Luca Morini, i cili humbi shërbimin dhe statusin priftëror pas një sërë skandalesh, është dënuar të mërkurën me shtatë vjet e gjysmë burg.
Ai u dënua gjithashtu për përfaqësim të rremë, pasi luajti një gjykatës ndërsa punësonte punonjës seksi meshkuj.
Ai u lirua nga akuza të tjera, duke përfshirë zhvatjen e një murgeshe.
Morini ishte një prift në Pontasserchi, një qytet toskan me 2600 banorë në veri të Pizës.
Fillimisht, famullitarët e perceptuan atë si dashamirës, por shpejt fitoi pseudonimin “Don Euro” për shkak të kërkesave të vazhdueshme për kontribute monetare.
Sipas mediave italiane, paratë e mbledhura nga Morini nuk janë shpenzuar për kishën e tij, por për festa, klube dhe diamante.
Vendimi i zhvatjes ka të bëjë me ish-peshkopin e Massa Carrara, Giovanni Santuçi, të cilin ai e shantazhoi për t’i dhënë qindra mijëra euro hua dhe për t’i blerë një shtëpi.
Morini u urdhërua gjithashtu të paguajë 14,000 euro dëmshpërblim për katër burra për përfaqësim të rremë.
Prokurorët kërkuan një dënim më të gjatë, por ai u reduktua pasi gjykata vendosi se Morini vuante nga një sëmundje mendore. /tesheshi.com/
