Një shqiptar, që rezultoi të jetë një trafikant i madh droge, u arrestua krejt rastësisht nga policia italiane në qytetin e Vareses.
Mediat shkruajnë se një patrullë policie ndaloi për një kontroll rutinë makinën luksoze që drejtohej nga një 43-vjeçar shqiptar.
Atij iu gjetën disa doza heroinë, çka ishte edhe zanafilla për të ushtruar një kontroll në banesën e tij.
Faktikisht shqiptari kishte dy vila luksoze një në Monza dhe një Brianza, ku policia gjeti 15 kg heroinë me një vlerë prej 500 mijë euro.
Sipas mediave, shqiptari kishte ndarë lëndën narkotike në dy pjesë, duke e fshehur në vilat që kishte.
Por ajo që ka habitur policinë italiane, ndoshta nuk ishte sasia e drogës, po mënyra që kishte zgjedhur ai për ta ruajtur.
Në secilën vilë shqiptari kishte nga një qen të rracës pitbull, të cilët duket se ishin edhe rojet më të besuar të tij për lëndën narkotike. /tesheshi.com/
